Sheekh-(Berberanews)- qaar kamid ah aqoonyahanka iyo odayaasha Degmada Sheekh, ayaa maanta ka soo saaray baaq iyo tallo-bixin ay ku kala socodsiinayaan dhinacyada shirarka kala duwan iclaamiyay inay ku kala qabsanayaan Berbera iyo deegaanka Dubur.
Dadkan oo baaqa ka soo saaray Degmada Sheekh waxay dhinacyada ugu baaqeen in la mideeyo labad shire ee bishan gudaheeda ku kala qabsioomaya Berbera 27/September iyo Dubur, 29/September.
Baaqaasoo dhammaystirani waxa uu u dhignaa sidan; “Shirka Beesha Cise Muse ee sal-dhigi waayey hadanu nahay Odayaasha iyo Waxgaradka beesha ee Degaanka Sheikh waxanu u aragnaa in Shirka lagu darayo arin aan meesha ku jirin, Ciuse Muse wuxu leeyahay laba hoggaan oo uu u doortay in ay hogamiyaan danaha reerka. Labadaas oo kala ah:
1- Hogaanka dhaqanka(Salaadiin iyoCuqaal) oo loo igmaday dhaqan ahaan in uu hogamiyo Reerka, kalsoonina u haysta in uu metelo magaca reerka kuna hadli karo afka reerka.
2- Hogaanka Siyasadda(Golayaasha la doortay sida Barlamaanka, Guurtida iyo Degaanka) oo iyana loo doortay in ay siyaasi ahaan hogamiyaan reerka haystana kalsoonida reerka.
Hadaba ciddii aan labadaa hogaan ahayni mandate uma haystaan in ay reerka hogaamiyan iyo in ay shir u qabtaan toona, hadaba shirkan saldhigi waayey waxa hogaaminayay in muddo ahba koox aan labada hogaan midna ahayn oo iyagu is-magacabay.
Waxa iyana nasiib daro ah Cuqaashii reerka oo aan wadan salaadiintii toona in ay ku baaqeen shir kale.
Hadaba labadaa shir ee isku lidiga ahi waa ku ceeb magaca reerka waana kuwo ku beeraya kala shaki iyo kalsooni daro,taasna hadaan wax laga qaban waa mid baabi’in doonta awoodii iyo wada jirkii reerka, Waxaanaanu soo jeedinayna in la baadi doono shir loo dhanyahay, wana mid sahlan hadii la maro dariiqa saxa ah. Wasiirka reerkuna dadaal badan sameeyo anaga oo siinayna talooyinkan hoos ku qoran.
Talo bixin
Wasiirka xukuumadda kaga jira beesha Ciise Muuse waxanu u soo jeedinayna talooyinkan :
1 – In uu joojiyo in muddo ah xalna u raadiyo sidii loo midayn lahaa labada Shir ee midna lagu qabanayo Berbera – 27/09/11
Midna lagu qabanayo Dubur – 29/09/2011
2 – In uu isugu yeedho labada dhinac ee shirarka kala hogaminaya oo uu
Dhexdhexaadiyo.
3 – Haduu shirkaasi naqdo mid dhaqan in u gacanta u geliyo qabanqabada
Shirka Hogaanka Dhaqanka oo isu dhan.
4 – Haduu shirkaasi noqdo Mid siyasadeedna uu gacanta u geliyo
Qabanqabada shirka Hogaanka siyasadda ee reerka ee u haysta
Mandate-ka.
5 – Waxgaradka kale ee reerku waa in ay ku taageeran wasiirka
Qabsoomida shir loo dhanyahay, sidaasay ku jirta sharafta reerka iyo
Horumarkuba.
Magacyada Odayaasha iyo waxgaradka Baaqan Soo Saaray
1- Eng: Cali Aar X. Maxamed Xirsi.
2 – Eng: Baashe Muhumed Musse(Camaacun)
3 – Aqoonyahan: Axmed Yassin Elmi(gunka ood)
4 – Aqoonyahan: Ahmed Musse Mohamed
5 – Aqoonyahan Omer X. Rabi Naaleeye
6 – Aqoonyahan Abdi Husein Dhegawel
7 – Qareen Jama Nuur Mohamed(jamaclaangadhe)
8 – Xil-dhiban. Xasan Cali maxamed
9 – Xil. Xasan Cali Saleebaan
10- Xil. Bashe A/lahi Yassin
11 – Xil . Khader Ibrahim Mohamed
12 – Abdi Hasan Dawarre
13 – Cawil Diriye Bullale
14 – Ciid Jaamac Mire
15 – Xasan Carralle Cawed
16 – Mohamed Yusuf Diriye
17 – Ahmed X A/lahi Xarbi
18 – Ali Adan Macawis
19 – Hasan Mohamed Aw Hirsi
20 – Axmed Mohamed Caw
21 – Mohamud Isixaaq Ahmed
22 – Ahmed A/lahi Yassin
23 –Saleban Mohamed Farah
24 – Mohamed Abdi Mohamud
25 – A/Rashid Ali A/lahi
26 – Nur Ali Jama
27 – Caydid Mirre Jama
28 – Ibrahim Musse Mirre
29 – Ahmed A/lahi Yusuf
30 – Mohamed Ducalle Wacays
31 – Jama Musse Husein.
Berberanews.com, Sheekh
Khadar Jaamac Xaashi
