Hargeysa-(Berberanews)- Guddida Diiwaangalinta Ururada Siyaasada iyo Axsaabta Qaranka, ayaa shir ay ku yeesheen Magaalada Hargeysa waxay ku doorteen Hogaankooda cusub..
Sida lagu sheegay qoraal Guddidani soo saareen waxay ku sheegeen inay Guddoomiyaha Guddida loo doorteen Cabdirisaaq Jaamac Cumar (Ciyaale), Guddoomiye Ku Xigeena ay u doorteen Aadan Geeddi Qayaad, Xoghayahy guud-na loo doortay Cumar Xasan Axmed, halka Afhayeena ay u doorteen Xasan Axmed Ducaale (Xasan-Macalin).
Qoraalkan Guddidu ay soo saareen waxa lagu sheegay in masuuliyiintan loo doortay si waafaqsan Shuruucda dalka iyo Xeer-hoosaadka Guddidaasi.
Magacyada Xubnaha Guddidu waxa kala yihiin sidan:-
1. Cabdirisaaq Jaamac Cumar (Cabdirisaaq-Ciyaale)
2. Aadan Geeddi Qayaad
3. Cumar Xasan Jaamac
4. Xasan Axmed Ducaale (Xasan –Macalin)
5. Cabdale Ibraahim Maxamed
6. Maxamed Cabdi Maalik
7. Ismaaciil Cabdilaahi Cali.
