Sheekh-(Berberanews)- Roob muddo afar saacadooda si xidhiidha uga da’ayey shalay magaalada Sheekh iyo deegannada ku teedsan, ayaa khasaare ba’an u geystay guryo iyo beero tiro badan.
Roobkan oo dabaylo badan watay wuxuu khasaare ba’an gaadhsiiyay guryo badan iyo beeraha ku yaal dooxa Afweyne ee degmaad Sheekh, sida uu Berberanews u xaqiijiyey Xuseen Maacaleesh oo ka mida Beeralayda Dooxaas “Roobku waxaa uu qaaday oo uu khasaare wayn soo gaadhsiiyey ilaa 10 beerood oo ku yaala dooxa afwayne isaga qaaday Saracii ku yaalay beerahaas oo qaarkood ay ku yaaleen geedo waaweyn oo kala duwan” ayuu yidhi xuseen maacalesh.
Roobka oo bilowday 3:00pm galabnimo ilaa 6:00pm makhribnimo ka da’ayay deegaankaas, ayaa oo dhulka la simay guryo iyo dayrar ku yaala degmada.
Ma jirto cid ilaa hada si rasmiya u xaqiijisay khasaaraha dhabta ah ee roobabka dabaylaha wataa geysteen deegaanka iyo cid u guurmatay dadka ku waxyeeloobay .
Khadar Jamac Xaashi
Berberanews, berbera
