(Berberanews Malaysia):- Alle ha u naxariistee waxaa xalay Caasimada Malaysia ee Kualalumpur ku Geeriyooday Md Aaden Maxamed Mire “Waqaf” oo maalmihii ugu danbeeyey daawayn caafimaad u joogay wadanka Malaysia Caasimadiisa Kualalumpur.
Marxuum Aaden Mire Waqaf oo ahaa guddoomiye ku xigeenkii koobaad ee xisbiga UCID balse ku jiray garabka uu ka go’ay ee Cabdiraxmaan Cirro hogaaminayay ee sameeyey ururka WADANI, ayaa sida oo kale xilal kala duwan kasoo qabtay dawlada Somaliland.
Sida ay Ilo xogogaal ahi noo sheegeen ayaa Waxaa lagu wadaa in lagu aasi doono dalka Malaysi. balse aanu dib idiinka soo gudbin doono taariikhdii marxuum Aadan Mire Waqaf.
Dhamaan hawl-wadeenada Shabakada Wararka ee Berberanews.com ayaa tacsi Tiiraayo leh u diray dhamaanba Qoyskii, Eheladii, Asxaabtii iyo shacayb waynaha reer Somalilnad ee uu ka baxay in uu samir iyo Iimaan Saadiqa ka siiyo, Marxuumkana Jano Fardawsa ka waraabiyo Aamin Aamin Aamin.
Berberanews.com
