Muqdisho(Berberanews)Xarunta Madaxtooyada ee dalka Soomaaliya ayaa xalay lagu garaacay madaafiic aad u xoogan oo kala eryay masuuliyiintii xarunta Madaxtooyada ku sugnaa oo u badnaa wasiiro ka tirsn xukuumadda Soomaaliya.
Xiliga Xarunta Madaxtooyada Villa Soomaaliya lagu weerarayay madaafiicda ayaa waxaa ku sugnaa Masuuliyiin ka tirsan Xukuumadda Soomaaliya oo u badnaa Wasiirro,iyadoo mar kaliya laga wada yaacay goobihii madaxtooyada ee ay masuuliyiintu ku sugnaayeen.
Magaalada Muqdisho ayaa waxaa inta badan Maamula Ciiddanka Dowladda Soomaalyia iyo kuwa AMISOM,iyadoo aanay jirin Degmo ka tirsan Magaalada Muqdisho oo ay Shabaab joogaan,marka laga reebo rag ka tirsan Shabaab oo Magaalada si dhuumaaleysi ah ku jooga,
Weerarka madaafiicda ayaa wararku waxa ay sheegayaan in xalay saqdii dhexe Madaxtooyada Soomaaliya lagu qaaday,inkastoo aan si dhab ah loo ogeyn Khasaaraha ka dhashay weerarkaasi.
Masuuliyiinta madaxtooyada Soomaaliya iyo kuwa ciidamada ilaalada madaxtooyada aan wali ka hadal weerarka xalay lagu qaaday,mana jirto wax war ah oo dhanka Al-Shabaab ka soo baxay oo ay u sheeganayaan in ay masuuliyadda weerarkaa leeyihiin.
