Muqdisho: (berberanews)Xoogag ka tirsan Ciidamada Xarkada Al Shabaab ayaa galabta weerar ku qaaday fadhiisimo ciidamada AMISOM iyo kuwa dawlada ku leeyihiin degmada Heliwaa ee magaalada Muqdisho.
Weerarka oo ku bilowday madaafiic ayaa Al Shabaab waxa sidoo kale ay dagaal fool ka fool ah la galeen ciidamada dawlada iyo AMISOM waxaana dagaalka xoogiisa uu ka dhacay isgoyska SOS ilaa shineemo cabdi waayeel.
Dadka deegaanka ayaa sheegay inay maqlayeen madaafiic xoogan oo labada dhinac ee dagaalka udhaxeeyey isweydaarsadeen taasi oo lasoo warinayo khasaaro kala duwan in shacabka kasoo gaadheen.
Inkastoo si rasmi ah aan loo shaacin waxyeelada dagaalkaasi galabta ilaa maqribadii soo gaaray ka dhacay degmada Heliwaa ayaa hadana wararka madaxa banaan ay tibaaxeen in khasaaro badan uu jiro.
Maamulka degmada Heliwaa ayaan ilaa hada wax war ahi ka soo bixin
Berberanews-Desk
Muqdisho/Somalia