Hargeys-(Berberanews)-Wasaaradda Beeraha Somaliland, ayaa daboolkaka qaaday inuu khasaare ballaadhan gaadhsiiyey deegaanno badan oo ka tirsan Xeebaha Somaliland ayax ku habsaday oo todobaadkii u dambeeyay ay dagaal kul jireen, balse haatan u muuqda mid ka awood roonaaday.
Wasiirka Wasaaradda Beeraha Somaliland Pro: Faarax Cilmi Maxamuud, ayaa sheegay in ayaxaas haatan u gudbayo dalalka Itoobiya iyo Djibouti oo xuduud la wadaaga Somaliland.
Sidaanawaxaa lagu sheegay war-saxaafadeed ka soo baxay Wasaaradda Beeraha Somaliland oo uu ku saxeexanyahay Wasiir Faarax, kaasoo u qornaa sida:
“Wasaarada Beeraha Somaliland Waxay cadaynaysaa iyadoo horana dhowr jeer digniino u soo saartay in ayaxii ku habsaday xeebaha Badda Cas ee Somaliland oo haatan khatar ku hayo deegan-daaqsimeedka goballada Salal , Awdal, Saaxil, iyo Sanaag.
Ayaxaasi oo haatan dam ka siiyey daaq badan gaar ahaan Banka Giriyaad, Lughaya, Cabdigeedi, Ceeldarad, iyo Banka Goobaare, wuxuu ayaxaasi oo haatan korankor ahi u gudbayaa dalalka Itoobiya iyo Djabuuti.
Waxa jirta in xiligan xoolo aad u fara badani ay ku sugan yihiin jiidahaasi ayaxu ku habsaday oo ay adagtahay in la isticmaalo sunta kiimikada ah ee lagu buufiyo ayaxa Sida “MALATHION”.
Sidaasi darted, wasaarada beeruhu waxay ku talo bixinaysaa in aan lagu degdegin in loo isticmaalo sunta khatarta ku ah xoolaha, dadka iyo deegankaba, balse loo isticmaalo habka makaanikalka ah.
Wasaaradu waxay ka waddaa jiidahaasi daawo aan xoolaha iyo dadka toona u lahayn dhibaato, hasa yeeshee ayaxa ayaa ka baaxad waynaaday arintaa.
Wasaaradu waxay si degdeg ah isugu yeedhay Hay’adaha Caalamiga ah ee ay khusayso arinta ayaxa sida FOA DLCO markii Labaad.”
Berberanews.com