Hargeysa (Beberanews) Guddoomiyaha Golaha Deegaanka Caasimadda Hargeysa Cabdiraxmaan Maxamuud Caydiid (Soltelco) ayaa shacabka ku dhaqan Magaaladda Hargeysa ugu baaqay inay soo dhaweyn balaadhan u sameeyaan Madaxweynaha Somaliland Axmed Maxamed Siillaanyo oo beri ku soo laabanaya Hargeysa, kaas oo maalmihii u dambeeyay safar ku marayay qaar ka tirsan Goboladda Somaliland.
Maayarka oo maanta Shir Jaraa’id ku qabtay Magaaldda Hargeysa ayaa waxa uu baaqiisaasi uu u diray shacabka ku yidhi sidan “Beri waxaynu u diyaar garoobaynaa soo dhaweyntii Madaxweynaha oo safar aad u dheer oo qiimo u lahaa Shacabka Somaliland , markaa waxaan leeyahay ku dhaqan Caasimadda beri ha loo diyaar-garoobo sidii loo soo dhaweyn lahaa Madaxweynaha “
Maayarku waxa kale oo uu shacabka ku dhaqan Caasimadda Hargeysa u soo jeediyay inay ilaaliyaan Nabad-gelyadda, waxaanu yidhi “Waxaan Shacabka leeyahay hadd iyo jeer amaankii-na ilaashadda oo ka feejignaadda oo wax kasta oo aad aragtaan la soo socodsiiya Masuuliyiinta Amaanka “
Berberanews.com
info@berberanews.com
