Hargeysa(berberanews) Wasiirka Wasaaradda Warfaafinta Somaliland Cabdilaahi Maxamed Daahir(Cukuse) ayaa dareen cadho leh ka muujiyay talaabada ay xukuumada uu ka tirsan yahay ee madaxweyne Siilaanyo albaabada ugu laabtay xaruntii wargeyska madaxabanaan ee Haatuf
Wasiir Cabdilaahi Maxamed Daahir(Cukuse) waxa uu sidaasi ku sheegay hadal uu ka jeediyey Munaasibad ay Dallada Ururuda aan dawliga ahayn ee SONSAF u qabatay Warbaahinta.
“Waan ka xumahay xadhiga wargayska haatuf,Yuusuf Cabdi Gaboobe waa Saaxiibkay cid iskaga kaaya dhawi ma jirto ,muddo badan ayaanu mihnada Saxaafada ku soo wada jirnay,waana nin igu qaaliya”
Xukuumadda Madaxweyne Siilaanyo ayaa noqotay xukuumadii u horaysay ee xabsiyada ku gurta saxafiyiintii ugu tirada badnayd, waxaanay sidoo kale noqonaysaa xukuumadii u horaysay ee xayiraad saartay wargeysyo baahiya qormooyin musuq-maasuq oo ka dhan ah masuuliyiin xukuumadda ka tirsan.
