Kooxda xidigaha Geesku waa hormuudka fanka wakhtigan waxaanay si muuqata uga qayb qaateen xuskii 18 may ee sanadkan oo heeso shacabka dareenkooda ka turjumaaya ay soo saareen kuwaasi oo dal iyo dibadba aad dadku u jeclaadeen, balse waxa nasiib daro ah in xukuumadu indhaha ka qarsanayso islamarkaana ay dafirayso waxtarkooda muuqda.
Waxay dibada ka soo casuuntay fanaaniin muwaadiniina waa sax oo ma diidani balse kharashka tirada badan ee ay ku bixiso iyo casuumadaha is daba jooga waxa haboon in ay ka sinto oo fanaaniinta dalka qiimayso xukuumadu waxaana igu maqaala ah in waliba ay soo wada casuuntay fanaaniin isku wada hayba oo madaxwaynaha ay isku reer yihiin.
Ruruntii waan ka xumahay, in xukuumadu cadaysato falal fanaaniinta qaarna lagu buubbuuninaayo qaarna waxtarkooda la aasayo Xidigaha geesku waxay nooleeyeen Fankii Hargaysa caanka ku ahayd in ay xukuumadu intaa ku qiimaysaa qurux badan.
kooxda xidigaha geeskana waxaan leeeyahay waa dalkiina waana dadkiini idinkaa u hadhaya dalka balse xukuumadan reer jeclaysiga astaanta ku ahi way iska tagi ee samra.
Hadii xaqiiqda laga hadlo fanaaniinta qurbaha ka timiday way fiicanyihiin laakiin inta ay dalka tari karaan kuwa joogaa iyagu ma tari karaan laakiin waxay soo kordhinayaan kharash waxaanay niyad jabinayaan fanaaniinta dalka ee dadku jecelyihiin tv-ga waxaan ka dawada maalinba wasiir iyo agaasimayaal qada sharaf u samaynaya kuwa qurbaha haday xukuumadu aanay kala saarayn fanaaniinta maxay ugu samayn wayday fanaaniinta dalka.
Cabdi Allaale Nuur
Hargaysa Somaliland
