Geeridu waa xaq Ilaahay ku xukumay noole kasta, Ilaahay naxariistii janno ka waraabiyee waxaa magaalada Hargeysa ku geeriyoodey Suxufigii ruug cadaaga ahaa ee MM Kastan oo muddo aad u dheer ka tirsanaa bahda saxaafadda.
Alle ha u naxariistee MM Kastam waxa uu ka soo shaqeeyay warbaahin kala duwan, isagoo ka mid ahaa hawlwaddeennadii aas-aasay saxaafadda Somaliland, gaar ahaan Wargeysyadii Maandeeq, Jamhuuriy, waxa kale oo uu wax badan ku soo kordhiyay Telefiishanka HCTV oo ahaa madaxa barnaamijyada.
Imikana waxa uu ka mid ahaa La-taliyayaasha sar sare ee Wasaaradda Warfaafinta Somaliland, gaar ahaan Telefiishanka Qaranka.
Alle ha u naxariistee MM Kastam waxa uu ahaa qoraa iyo suxufi xigmad badan oo soo saaray buugaag sheekooyin badan oo bulshadu aad u xiisayso.
Tifatiraha guud ee shebekadda Berberanews.com Maxamed Siciid C/laaahi (Xarrago) iyo hawlwadeennadu waxay Tacsi Tiiraanyo leh u dirayaan ehlada, asxaabta, iyo bahda saxaafadda ee uu ka baxay Marxuum Maxamed Maxamuud Kastam.
Ilaahay naxariistii jano ha geeyo,