Hargeysa (Berbera news Xirsiyoow Hadaaftaye haddaad naga hulleeleyso,
Haddaad Caawadaa Gaadhiga hore kasii fuusho,
Hal yar iiga gee Habar jeclo markaad hooskii bari gaadho
Cusaamaa habkii aan u faray hubin warkaygiiye
Kol hadaan hugaygii iska rogo soo hamaansadaye
Hiin faadhka iga soo baxa waad ku hawisi doontaaye
Haweenkaa nagaad baan kula ahaan hirarka shaydaane
Hanjabaad iga yeedhanna naftaa haw-ba ka odhane
Wadada kaa horeysaa waa midaan lagu hagaagayne
Waa wada hub iyo rasaasiyo hilin codaadeede
Suug hiririg leeyiyo shilkaha holaca aad yaabto
Hawada soo mariyo hawser laba yeedha
holaleysi kaa soo gaadhiyo hadal xun mooyaane
sheekha habuuraan kuu baryee ilaa hadimo kaa baaji
way ii heshiiyeen dhammaan habar magaadluuye
Habar Awal iyo arab baa mar qudha heeray magacaye
Habar Yoonis baa kasii daran ninkay boqon haleelaane
Ciidagale Hayaayday igu hayaan waan ku hadhayaaye
Samaroon waxay igu hayaan waanad hada hayne
Hartigana waad wada ogtiin inay igu hadaaqaane
Hillaab ooyayeey qalbigu wuu I holcanayaaye
Kurisigana sidan kuma haysan karo oo waa mid aan hubo’e
Soomaaliyana way hoddee hiil masoo dirine
Gaaladuna Helloow-dey soo hayeen waygu hodayeene
Intaan meeshan laygu helin Hubuqna lay geysan
Haddaad Inuun iga naxdaan Holland I gaadhsiiya.
Berbera news/Hargeysa.
