Muqdisho (Berbera news) Madaxweynaha Soomaaliya Xasan Sh. Maxamuud ayaa goor-dhow u magacaabay Raysal-wasaaraha cusub ee Somalia Cumar Cabdirashiid Cali Sharmaarke, kaas oo bedeli doona Raysalwasaarihii hore Cabdiweli Sheekh Axmed.
Madaxweyne Xasan Sheekh ayaa markii uu ku dhawaaqayay Raysal-wasaaraha sheegay inuu u doortay inuu xilka Raysal-wasaaraha Soomaaliya u magacaabo Cumar Cabdirashiid oo uu sheegay inuu ka rajaynayo inuu soo dhiso Xukuumadd sii wadi-karta hawlaha horyaalla dowladda.
Magacaabiddan ayaa imaanaysa, iyadda oo maalmahan la isla dhexmarayay in loo magacaabi doono Cumar Cabdirashiid Raysal-wasaaraha saddexaad ee dowladda hadda shaqaynaysa.
Mr. Sharmaarke oo hore Raysal-wasaare uga soo noqday Soomaaliya dawladdii KMG ahayd Sannadihii 2009-kii illaa 2010-kii, isaga oo xilka uga khilaaf soo dhexgalay isaga iyo Madaxweynihii Xiligaasi xilka hayay ee Sheekh Shariif Sheekh Axmed.
Berbera news/Hargeysa.
