Mexico-(Berberanews)-Qarax xoog badan, ayaa galabta laga maqlay Magaalada Mexico City ee Wadanka Mexico, ka dib markii gaadhi xamuula oo gaas siday ku qarxay Cusbitaal caruurta ah oo ku yaala Magaalada Mexico City, kaasoo geystay khasaaro aad u ballaadhan.
Ilaa iyo hadda waxaa la ogyahay inay ku dhinten toddobo ruux, iyadoo toboneeyo kalana ay ku dhaawacmeen. Dadka qaarkood waxaa soo gaadhay dhaawacyo halis ah.
Sidoo kale dayaanla qaraxaas, ayaa sababay burburka dhismooyin badan oo ku yaala nawaaxiga goobta qaraxu ka dhashay.
Saraakiisha Mexico, ayaa waxay dareen ka muujinayaan in burburka hoostiisa ay ku jiraan dad, waxaana soconaayo gurmad lagu doonaayo in lagu samata bixiyo, suurta galnimada dad ku hoos jira dhismayaasha burburay.
Warbaahinta Mexico, ayaa si weyn u tebineysa qaraxaasi, oo ay ku sheegeen mid baqdin badan geliyay bulshada ku dhaqan Magaalada Caasimada ah ee Mexico City.
Berberanews.com
