Afghanistan-(Berberanews)-Dadweyne cadheysan, ayaa maanta Magaalada Kabul ee Xarunta Wadanka Afghanistan ku gubay haweeney, iyadoo nool.
Goobjooge, ayaa sheegay in dadku ka cadhoodeen markii haweeneydaasi, ay gubtay nuqulo ka mid ah Kitaabka Qur’aanka Kariimka, kuna gubtay meel ku dhow Masaajidka Shah-e Doh Shamshira.
Goobjoogaha, ayaa ku waramaya in dadkaasi ay si xun u garaaceen haweeneydaasi, dabadeedna ay dab qabadsiiyeen, iyadoo nool.
Ciidanka Booliska oo gaaray goobtaasi ka hor inta aan haweeneyda lagu dilin, ayaa u babac-dhigi kari waayay dadkii careysnaa, ilaa ay nolosha ku gubaan, Booliska oo joogay.
Ma cadda waxa ay tahay haweeneydaasi iyo waxa sababay inay gubto nuqulo ka mid ah Qur’aanka. Waxayse tani noqoneysaa dhacdo si weyn looga hadalhayo dalka Afghanistan.
