Mulkiilaha Chelsea ee Roman Abramovich, ayaa xaqiijiyay in goolhaye Petr Cech albaabadu u furan yihiin, kuna ku biiri kari Manchester United amma Arsenal midka uu hadba laacibkan door-bido ku biiritaankooda.
Hadalka Abramovich waxa uu ka soo hor-jeedaa mid hore Mourinho ugu sheegay in aannu Cech ka iibinayn kooxaha Premier League, isla markaana uu gool-hayahan iibin doono hadii uu Ingiriiska debeda uga baxayo.
Abramovich ayaa xaqiijiyay inuu goolhayahan uga mahad celinayo sidii kartida lahayd ee uu xirfadiisa ugu huray naadiga mudadii uu la joogay, isagoo xusay inay albaabadu u furan yihiin koox kasta oo rabta.
33 jirkan, ayaa mudadii uu Chelsea la joogay u saftay 494 ciyaarood, isagoo afar jeer kula guulaystay Premier League, afar jeerna la qaaday FA Cup-ka, min hal jeerna kala qaaday Champions League iyo Europa League.
