Ninka rajeynaya inuu noqdo guddoomiyaha xiriirka kubbadda cagta adduunka, Fifa, Gianni Infantino ayaa sheegay in haddii aan hadda wax laga qaban dhibaatada Xidhiidhkaas haysata ay u dhammaan doonto ururkaas caalamiga ah.
Infantino waxaa uu rajeynayaa inuu beddelo Sepp Blatter doorashada dhici doonta maalinta Jimcaha ee soo socota kaddib markii ogayga 79-jirka ah ee reer ear-old Switzerland muddo siddeed sano ah ciyaaraha laga mamnuucay eedo musuqmaasuq ku saabsan awgeed.
Ninka isaguna jagadaas u sharraxan ee Amiir Ali bin al-Hussein ayaa codsi rasmi ah u gudbiyay FIFA in doorashada la joojiyo. Waxaa uu sheegay inuusan ku qanacsanayn qaabka codbixintu u dhacayso.
Laakiin Infantino waxaa uu sheegayaa inay hubaal tahay in doorashada la qaban doono sidii qorshuhu uu ahaa Jimcaha 26-ka bishan.
Isagoo BBC Sport la hadlayay, waxaa uu sheegay in sumcadda Fifa ay gaadhay heerkii ugu hooseeyay abidkeed.
