Hargeysa (Berbera news) Gudida doorashooyinka Somaliland oo mar dhaweyd warbaahinta kula hadley xarunta ay ku leeyihiin magaalada Hargeysa ayaa waxaa ay shaaciyeen nuxurka laba warqadood oo uu madaxweyne siilanyo u soo gudbiyey
Waxaa ay sheegen in nuxurka labada warqadood ee madaxweyne Siilanyo u soo gudbiyey ay yahiin mid uu kaga dalbanayo in la hakiyo diwaangalinta cod bixiyaasha Somaliland muddo bil ah.
Warqada labaad ee maanta ka soo gaadhey xarunta madaxtooyaduna ay tahay mid uu ku ogeysiinaayo warqad uu u direy madaxweynuhu baarlamaanka oo uu kaga dalbanayo in qodob ka mid ah xeerka cod bixiyaasha lagu sameeyo kaabis iyo wax ka bedel .
Sidoo kale gudidda doorashooyinku waxaa ay warbaahinta u cadeeyeen in ay qaateen soo jeedinta uu madaxweyne Siilanyo u soo gudbiyey ee ah in muddo hal bil la hakiyo diwaangalinta cod bixiyayaasha .
Geesta kale Guddida doorashooyinku waxay beeniyeen in todobada xubnood ee guddidaasi khilaaf ka dhex taagan yahay, isla markaasina wararkaasi ay yahiin qaar aanay waxba ka jirin .