Mosco-(Berberanews)-Ruushka ayaa Axadii sheegay in aanay wax tanaasul ah sameyn doonin cadaadiska Mareykanka ee wadahadalada toddobaadkan ee xiisadda Ukraine iyo dalabaadkeeda ku aaddan dammaanad qaadka amniga reer galbeedka, ayna jirto khatar ay si dhaqso ah u soo afjari karaan.
Hadalka adag ee ka yimid Moscow ayaa hoosta ka xariiqay rajada jilicsan ee wada xaajoodyada ay Washington rajaynayso inay kaga hortagto khatarta duulaanka cusub ee Ruushka ee Ukraine, oo ah meeshii ugu xumayd ee xidhiidhka Maraykanka iyo Ruushka tan iyo dagaalkii qaboobaa ee dhammaaday soddon sano ka hor.
Wadahadalada ayaa lagu wadaa in ay ka dhacaan Geneva,Brussels iyo Vienna balse wakaalada wararka ee RIA oo ay leedahay dowlada ayaa ka soo xigatay wasiir ku xigeenka arimaha dibada Sergei Ryabkov in gabi ahaan ay macquul tahay in diblumaasiyadu ay si lama filaan ah ku dhamaan karto hal kulan kadib. “Waxba meesha kama saari karo, tani waa xaalad gebi ahaanba suurtagal ah, dadka Maraykankuna… waa in aanay wax dhalanteed ah ka yeelan arrintan,” ayaa laga soo xigtay isagoo leh.
“Dabiici ahaan, wax tanaasulaad ah kama samayn doono cadaadis iyo hanjabaadaha joogtada ah ee ay sameynayaan ka qaybgalayaasha reer galbeedka ee wadahadallada soo socda.”
Wakaaladda wararka ee Interfax ayaa ka soo xigatay Ryabkov, oo hogaamin doona wafdiga Ruushka ee ku sugan Geneva, in Moscow aanay rajo ka qabin in ay gasho wada xaajoodka.
