Rusia-(Berberanews)-Xaaladda ugu weyn ee ay reer Galbeedka ka qabaan duullaanka Moscow ee Ukraine, ayaa Madaxweyne Vladimir Putin waxa uu amray in heegan buuxa la geliyo ciidamada ka hortagga Nukliyeerka ee Ruushka.
Axadii, Putin wuxuu sheegay in wadamada sarsare ee NATO ay sameeyeen “hadalo gardarro ah” iyagoo ku soo rogaya ganaax lacageed oo adag Ruushka.
Madaxweynaha ayaa ku amray wasiirka gaashaandhigga iyo taliyaha guud ee ciidamada in ciidamada ka hortagga Nukliyeerka la hoos geeyo nidaam gaar ah oo dagaal ah oo uu la kulmay saraakiisha ugu sareysa.
Talisku wuxuu kor u qaadayaa suurtogalnimada in xiisaduhu ay sii kordhi karaan ilaa heer la isticmaalo hubka nukliyeerka.
Kremlin-ka ayaa shaaca ka qaaday in ay si guul leh u tijaabisay gantaalada hawada sare iyo kuwa barriga iyo badda.
Dhoolatuska militari waxaa sidoo kale kormeeray madaxweynaha Belarusia Alexander Lukashenko oo ay xulafo yihiin Putin.
“Tani waxay u muuqataa tallaabo kale oo uu qaaday madaxweyne Vladimir Putin si uu u muujiyo inuu weli yahay awood la isku halleyn karo,” ayuu Jabbari ku daray hadalkiisa.
Maraykanku waxa uu ka falceliyay ku dhawaaqida Putin isaga oo ku eedeeyay in uu abuuray hanjabaado si uu marmarsiiyo uga dhigo “gardarrada”.
Linda Thomas-Greenfield oo ah safiirka Maraykanka u fadhiya Qaramada Midoobay ayaa si adag uga hor yimid tallaabada Putin.
Wareysi uu siiyay CBS, Thomas-Greenfield wuxuu yidhi, “Waxay soo jeedinaysaa in madaxweyne Putin uu sii wado inuu dagaalkan u sii kordhiyo si aan loo dulqaadan karin.”
Berberanews.com
Info@berberanews.com
