UAE-(Berberanews)-Ibraahim Al Jarwaan, oo ah Guddoomiyaha Guddiga Sare ee Ururka Xiddigiska Cirka ee Imaaraatka Carabta, ayaa sheegay in Bisha Barakeysan ee Ramadaan ay bilaaban doonto Sabtida 2-da April, Ciidul Fidrigana ay ku beegan tahay Isniinta May 2, isagoo intaas ku daray in Bisha Ramadaan ee sanadka 1433 Hijriyada la filayo in uu socdo muddo 30 maalmood ah.
Magaalada Khor Fakkan ee Imaarada Shaariqa, gaar ahaan Jaziirada Shark ee u dhow Dekedda Khor Fakkan, oo ah cidhifka bari ee dalka, ayaa ka horraysa caasimadda Abu Dhabi, qiyaastii siddeed daqiiqo oo ay ka bilaabanayaan Soonka iyo Aafurka Al Ghuwaifat iyo Al Sila, oo ah meelaha ugu galbeedaysan ee dalka, soonka iyo aafurka ayaa bilaaban doona ku dhawaad 12 daqiiqo ka dib caasimadda.
Sidaa darteed, farqiga u dhexeeya waqtiga ayaa noqon doona 20 daqiiqo, kaas oo Khor Fakkan uu ka horeeyo Ghuwaifat bilowga soonka iyo aafurka marka qorraxdu dhacdo, ayuu raaciyay.
