NAIROBI, Kenya Apr 3 -(Berberanews)-Kenya ayaa muujisay sida ay u garab taagan tahay Somaliland ka dib markii uu dab qabsaday suuqii Waaheen Jimcihii oo loo aqoonsaday halbowlaha nolosha Hargeysa.
Wasaaradda arrimaha dibadda Kenya ayaa warsaxaafadeed ay soo saartay ku xaqiijisay in dalka Kenya uu la wadaago dhaxal iyo xidhiidh saaxiibtinimo oo xooggan oo ay la leedahay Somaliland oo ah maamul ka jira Geeska Afrika oo uu hoggaamiyo Madaxweyne Muuse Biixi Cabdi.
“Waxaan aad iyo aad uga xunahay in aanu ogaanay shilkii naxdinta lahaa ee ka dhacay suuqa Waaheen ee magaalada Hargeysa habeennimadii 1-da April 2022, dawladda iyo shacabka Kenya waxay u taagan yihiin garab istaaga shacabka Somaliland, waxaanay ka tacsiyeynayaan dadkii ku dhintay shilkaasi. iyo qoysaska dadka dhaawacmay,” Wasaaradda Arrimaha Debedda ayaa tidhi.
Wasaaradda Arrimaha Debedda waxa ay sheegtay in ay aaminsan yihiin adkaysiga shacabka reer Hargeysa, isla markaana ay aaminsan yihiin rabitaankooda adag ee ay kaga bixi karaan dhibka dhacay, isla markaana ay ka soo bixi karaan si ka sii wanaagsan.
Kenya waxa ay Somaliland u xaqiijisay in ay si hagar la’aan ah u garab taagan tahay iyo wada shaqaynta ay dib u dhisayso suuqaasi “Waxaan idiin rajeyneynaa wanaag adigoo rajeynaya inaad dib u dhistaan oo aad soo celisaan wadadii nolosha ee dadka Hargeysa,” ayaa tidhi wasaaraddu.
Ergeyga sare ee Midowga Afrika u qaabilsan horumarinta kaabayaasha dhaqaalaha, Raila Odinga, ayaa sidoo kale niyad wanaag u diray xukuumadda Madaxweyne Muuse, waxaanu ugu baaqay bulshada gobolka iyo caalamkaba inay iska kaashadaan sidii ay gacan uga geysan lahaayeen dib u dhiska magaalada.
“Muqaallada ka soo baxaaya suuqa furan ee Hargeysa oo ah tiir-dhexaadka dhaqaalahooda ayaa ah kuw tiir dhaxaad u ahaa. Waxaan u ducaynayaa shacabka Somaliland,” ayuu yidhi Odinga.
Berberanews.com
Info@berberanews.com
