California-(BerberanewsPaul Pelosi, oo ah afhayeenka aqalka Congress-ka ee Nancy Pelosi ninkeeda, ayaa la xidhay ka dib markii lagu eedeeyay in isagoo cabsan uu kaxeeyay gaadhi habeenkii sabtida.
Paul Pelosi waxaa lagu xidhay degmada Napa, California saacadu markay ahayd 11:44 p.m.
habeenimadii sabtida, waxaana lagu soo oogay dacwad ah in uu ku kaxeeyay heerka alkohol-dhiiga ee .08 ama ka sareeya iyo sidoo kale in uu gaadhi kaxeeyay isagoo cabsan khamri.
Xidhitaanka waxaa markii ugu horreysay ka warbixisay TMZ.
Waxaa loo ballansanaa xabsiga 04:13 subaxnimo Axaddii, waxaana la sii daayay 7:26 subaxnimo sida ku cad diiwaannada Degmada Napa.
Diiwaanadaas ayaa tilmaamaya in dammaanaddiisa lagu sheegay $5,000.
Paul Pelosi, oo 82 jir ah, waxa uu guursaday Nancy tan iyo 1963-kii.
Afhayeen u hadlay Rep. Pelosi (D-Calif.) ayaa sheegtay in aanay ka faalloon doonin arrinta “gaarka ah”.
Afhayeenku wuxuu yidhi ” Gudoomiyuhu ka hadli maayo arrinta gaarka ah ee dhacday iyada oo ku sugnayd Xeebta Bari.
