Syria-(Berberanews)-Warbaahinta dowladda Suuriya ayaa xaqiijisay in garoonka caalamiga ah ee Dimishiq uu soo gaadhay burbur xooggan – oo ay ku jirto dhabbaha ay diyaaraduhu ku ordaan – kaddib markii ay Israa’iil ku weerartay gantaallo.
Wasaaradda gaadiidka ee Suuriya ayaa bayaan ay soo saartay Sabtidii ku sheegtay in dhabbaha dayuuradaha ay weli ka maqan yihiin garoonka diyaaradaha ee caasimadda ka dib weerarkii Jimcihii.
“Duulimaadyada soo degista iyo kuwa dhoofaya waa la hakiyay maanta illaa ogeysiis dheeraad ah taas oo ka dhalatay gardarrada Israa’iil, tan iyo markii ay waxyeello culus u geysatay garoommada diyaaradaha ee degaanno dhowr ah iyo nalalka hagidda marka lagu daro khasaaraha [ka dhacay] hoolka garoonka,” Wakaallafa SANA ayaa ka soo xigatay war ka soo baxay wasaaradda.
Wasaaraddu waxay sheegtay in duullimaadyada la filayo inay dib u bilaabaan marka shaqada dayactirka la soo gabagabeeyo.
Gegida diyaaradaha ayaa lala beegsaday gantaallo laga soo tuuray buuraha Golan Heights ee ay Israa’iil haysato abaaro 4:20 subaxnimo xilliga maxalliga ah (01:20 GMT) Jimcihii, sida ay sheegtay warbaahinta dawladdu.
Israa’iil ayaa qaaday boqollaal duqeymo cirka ah oo ka dhan ah deriskeeda tan iyo markii uu dagaalku ka qarxay Syria.
Halka Israa’iil ay dhif tahay inay ka hadasho weerarrada shakhsi ahaaneed, waxay qiratay inay boqolaal ka fulisay Suuriya oo ay sheegtay inay lagama maarmaan tahay si looga hortago in Iran oo ay isku hayaan gobolka inay cagaheeda soo dhigto.
Warka ka soo baxay wasaaradda gaadiidka ayaa ahaa kii ugu horeeyay ee lagu faahfaahiyo inta uu la egyahay khasaaraha ka dhashay weerarkii cirka ee Jimcihii.
“Shirkadaha duulista rayidka iyo kuwa qaranku waxay ka shaqaynayaan… si ay u dayactiraan burburka baaxadda leh ee garoonka,” ayay wasaaraddu tidhi, iyadoo raacisay in dhismaha terminal ah uu sidoo kale burburay.
Cambaaraynta Ruushka
Xulafada Suuriya, Ruushka, ayaa si adag u cambaareeyay “weerarka daandaansiga ah ee Israel ee ka dhanka ah kaabayaasha rayidka ee muhiimka ah”.
Afhayeen u hadlay wasaaradda arrimaha dibadda ee Ruushka ayaa ku tilmaamay weerarradan oo kale “gebi ahaanba kuwo aan la aqbali karin oo ka dhan ah xeerarka caalamiga ah”.
Faragelinta militariga Ruushka ee 2015 ayaa gacan ka geysatay in dagaalka iyadoo madaxweynaha Suuriya Bashar al-Assad iyo Moscow ayaa sii wadeen inuu sii haysato saldhigyada milatari ee dalka.
Colaadda Suuriya oo muddo ka badan toban sano jirsatay ayaa ku billowday cabudhinta naxariis darada ah ee mudaaharaadyada nabadeed ee looga soo horjeedo xukunka Al-Asad oo sii kordhay, iyagoo soo jiitay quwado shisheeye iyo dagaalyahanno.
Ku dhawaad nus malyuun qof ayaa la dilay iyadoo ku dhawaad kala badh dadkii dalka ee dagaalka ka hor lagu qasbay inay ka cararaan guryahooda.
Wasiirka arrimaha dibadda ee Suuriya Faysal Mekdad iyo dhiggiisa Iran, Hossein Amir-Abdollahian, ayaa khadka taleefoonka ku wada hadlay, waxayna sidoo kale cambaareeyeen weerarka gantaalka, sida ay sheegtay SANA.
Suuriya “waxay isku difaaci doontaa si kasta oo sharciga waafaqsan” weerarrada Israel, Mekdad ayaa yidhi.
