Kenya-(Berberanews)-Ninka ugu dheereeya Afrika Ferdinand Omanyala ayaa wajahaya tartan ka dhanka ah waqtiga si uu ugu tartamo ciyaaraha fudud ee adduunka ka dib markii uu kaliya helay fiisaha Mareykanka subaxnimadii Khamiista.
Orodyahanka Kenyanka ah, oo bishii hore ku guuleystay tartanka 100m ee Afrika, ayaa lagu wadaa inuu jimcaha ka qeyb galo tartanka caalamiga ah ee Eugene, Oregon.
“Weli kama quusan ciyaaraha adduunka,” 26-jirka ayaa u sheegay BBC Sport Africa. “Xogta ah inaan ka baxay Horyaalka run ma ahan.”
Omanyala waxa uu Kenya ka soo duuli doonaa 18:00 xilliga maxaliga ah, waxaana la filayaa inuu soo gaadho Eugene wax ka yar saddex saacadood ka hor inta aanay bilaabmin orodka 100m ee ragga ee ciyaarta fiidkii oo ku beegan maalinta koobaad ee ciyaaraha adduunka.
Si kastaba ha ahaatee, wuxuu markaa u baahan doonaa inuu dhamaystiro hawlaha kastamka Mareykanka, u safro goobta, soo qaado aqoonsigiisa iyo inuu helo waqti uu ku kululeeyo ka hor inta aanu u tartamin booska semi-finalka.
