Afrika-(Berberanews)-Xulka difaacanaya koobka Afrika ee Nigeria ayaa u soo baxay koobkii sagaalaad ee haweenka aduunka oo xidhiidh ah markii ay 1-0 ku garaaceen xulka Cameroon wareega 8da ee koobka qaramada Afrika ee haweenka (Wafcon) ee ka socda Casablanca.
Rasheedat Ajibade ayaa madax ku dhalisay daqiiqadii 57aad ee ciyaarta, waxayna Nigeria ku xaqiijisay inay la kulmi doonto martigeliyaha Morocco semi-finalka isniinta iyo in guulihii xidhiidhka ahaa ee Wafcon ay ka gaadheen Cameroon.
Nigeria waa waddankii saddexaad ee Afrikaan ah oo u soo baxa Koobka Adduunka Haweenka, ka dib Zambia iyo Morocco ayaa Arbacadii u soo baxay, Koonfur Afrika iyo Tunisia ayaa ku dagaallamaya finalka tooska ah fiidnimadii Khamiista.
Kooxahan ayaa ku kulmay sagaalkii tartan ee la soo dhaafay, iyadoo Nigeria ay badisay seddex final iyo afar semi-final iyadoo guusha kaliya ee Indomitable Lionesses ay aheyd ciyaar seddexaad oo Play Off ah sanadkii 2012.
Cameroon ayaa ku guuldareysatay inay wax gool ah ka dhaliso kooxda sagaalka jeer ku guuleysatay Wafcon tan iyo markaas, oo ay ku jirto guuldaradii semi-finalka markii ugu dambeysay ee 2018.
