Qof rakaab ah oo laga waayay markab dalxiis, oo marayay gacanka Mexico, ayaa la badbaadiyay, kadib in ka badan 15 saacadood oo uu badda ku dhex jiray, sida ay sheegeen ilaalada xeebaha Mareykanka.
Ninkan oo 28 jir ah, ayaa habeenimadii Arbacada ku sugnaa baar ku yaalla markabka Carnival Valor, isagoo ay wehlisay walaashii.
Balse muu soo noqon, kadib markii uu baxay, si uu u gaadho musqusha.
Dhowr shaqaale samata bixin ah, ayaa soo indha indheeyay biyaha ku dhaw markabka, waxaana ugu dambeyntii ninka la arkay fiidnimadii Khamiista, meel 20 mayl (30km) u jirta xeebta Louisiana.
Waxaa la sheegay in xaaladiisa ay haatan wanaagsan tahay.
@Bbc Somali
