Turkey-(Berberanews)-Dowladda Jabuuti ayaa hal milyan oo dollar ugu deeqday Hay’adda Maareynta Musiibooyinka iyo Gurmadka Degdegga ah ee Turkiga, waxayna sidoo kale qeyb labaad oo gargaar ah u diri doontaa dadkii ku waxyeeloobay dhulgariirkii Turkiga ka dhacay habeenkii Khamiista.
Sarkaal ka tirsan safaaradda Turkiga ee Djibouti oo Khadka Taleefanka kula hadlay Anadolu Khamiistii ayaa sheegay in Safiirka Djibouti u fadhiya Ankara uu deeq lacageed gaadhsiiyay Hay’adda AFAD maalin ka hor.
Sida uu sheegay sarkaalkan oo aan magaciisa la sheegin, waxay soo dirayaan 10 matoor, lix mashruuc oo warshadeed ah, 113 bustayaal ah, 100 xabo iyo 35 dharka kulaylka ah oo ay ku deeqeen shirkadaha Djibouti habeenkii Khamiista.
Waa deeqdii labaad ee nooceeda ah ee Jabuuti ay siiso Turkiga.
Midka koowaad oo ka koobnaa 120 teendho, 185 kiilogaram oo dhar ah, iyo 75 kiiloogaraam oo agab nadaafadeed ah, ayaa la keenay salasadii.
Waxa uu sheegay in dowladda Jabuuti iyo shacabka ay si buuxda uga go’an tahay caawinta dadkii ku waxyeeloobay dhulgariirkii ka dhacay Turkiga.
Ugu yaraan 36,187 qof ayaa ku dhintay labadii dhulgariir ee ku dhuftay koonfurta Turkiga todobaadkii hore, AFAD ayaa sidaas sheegtay Khamiistii.
Dhulgariirkii 6-dii February ee cabirkiisu ahaa 7.7 iyo 7.6, oo xuddun u ahaa gobolka Kahramanmaras, ayaa saameeyay in ka badan 13 milyan oo qof oo ku kala nool 11 gobol, oo ay ku jiraan Adana, Adiyaman, Diyarbakir, Gaziantep, Hatay, Kilis, Malatya, Osmaniye, Sanliurfa, iyo Elazig.
Dhowr waddan oo gobolka ah oo ay ku jiraan Suuriya iyo Lubnaan ayaa sidoo kale laga dareemay gariirkii xoogganaa ee ku dhuftay Turkiga wax ka yar 10 saacadood.
