Madaxweynaha Turkiga Recep Tayyip Erdogan iyo ninka la tartamaya midkoodna uma eka in ay heleen 50% codadka si uu ugu guuleysto doorashada, natiijada doorashada hordhaca ah ayaa muujisay, taas oo sare u qaadaysa rajada laga qabo in wareeg labaad la qabto.
Wakaalada wararka ee Anadolu ayaa sheegtay in saadaasha lagu saleeyay 97.95% codadkii la tiriyay, taasoo muujineysa in Erdogan uu helay 49.34% codadka, halka musharaxa ugu weyn mucaaradka Kemal Kilicdaroglu uu helay 44.99%.
Musharaxa 3-aad ee Sinan Ogan ayaa helay 5.28% codadka, sida ay sheegtay Anadolu.
Waxa uu bartiisa Twitter-ka ku soo qoray in codbixin labaad ay tahay “mid aad macquul ah,” iyo in “wadani-yaasha Turkiga iyo Ataturkiist ay door muhiim ah ku leeyihiin doorashadan.”
